Bli med som deltakar og/eller støttespelar i Misjonsløpet som går av stabelen kl 1500 laurdagen under IMS Sommarfest. Sjå plakat på www.ims-sommarfest.no, her blir først løp for barn, så vaksne. Du kan sponsa med fast beløp eller beløp per runde. Ein runde er på 240 meter. Det vert premiering for beste utkledning, flest rundar og mest innsamla midlar. Inntekta frå misjonsløpet vil i hovudsak vera med å dekka inn kostnadane ved å driva leir for born og ungdom.
IMS er ein krets tilslutta Indremisjonsforbundet og består av godt over 100 lag og foreiningar i Sunnhordland, Hardanger og Voss. Vi bistår laga ved å senda ut forkynnarar, har styresamlingar, ressursgruppesamlingar, konferansar og andre arrangement. Vi arrangerer leirar på Brandøy og Helgatun Fjellpensjonat for born, ungdom, vaksne og familiar. Oversikt over leirar og arrangement finn du på nettsida vår www.indremisjonen.no